Gwarchodfa Natur Genedlaethol Cadair Idris, ger Dolgellau
Un o'r mannau harddaf a mwyaf dramatig yng Nghymru
Coedwig Beddgelert, ger Beddgelert
Beth sydd yma
Croeso
Mae coedwig enfawr hon yn drysor cudd o lwybrau cerdded a beicio, cyfleoedd ffotograffig a bywyd gwyllt yng nghanol Parc Cenedlaethol Eryri.
Edrychwch ar y golygfeydd godidog ar draws Eryri, cael picnic ger llyn diarffordd Llyn Llywelyn a chlustfeiniwch am sain hen drenau Rheilffordd Ucheldir Cymru, sy’n rhedeg drwy’r goedwig ar eu taith o Gaernarfon i Borthmadog.
Yn ogystal â cherdded a beicio ar ein llwybrau sydd wedi’u cyfeirbwyntio, gallwch hefyd farchogaeth ceffylau ar ein llwybrau ceffylau a ffyrdd goedwig neu redeg ar y rhwydwaith hawliau tramwy cyhoeddus.
Llwybr cerdded
Mae arwyddbyst ar y llwybr cerdded o’r dechrau i’r diwedd.
Chwiliwch am y panel gwybodaeth ar ddechrau’r llwybr.
Dysgwch beth yw ystyr graddau’r llwybrau cerdded.
Llwybr Llyn Llywelyn
- Gradd: Cymedrol
- Pellter: 2¾ milltir/4.4 cilomedr
- Amser: 2½ awr
- Disgrifiad: Mae’r llwybr bron i gyd ar ffordd y goedwig gyda thri darn byr o drac, 1.5m o led, a gall un ohonynt fynd yn fwdlyd ar y ddringfa raddol i’r llyn, ac mae gan y disgyniad yn ôl i’r maes parcio ar un arall ran 40m o gerrig crynion anwastad a garw. Mae gatiau ar y ddwy groesfan reilffordd a rhaid agor y rhain â llaw. Mae dau fwrdd picnic ar hyd y llwybr.
Dyma lwybr cylchol gyda golygfeydd ar draws Coedwig Beddgelert i Eryri.
Mae’n cychwyn o’r maes parcio ac yn mynd drwy’r coetir i lyn diarffordd prydferth, Llyn Llywelyn.
Llwybrau beicio
Mae arwyddbyst i’w cael ar bob un o’n llwybrau beicio mynydd o’r dechrau i’r diwedd ac maent wedi’u graddio’n ôl eu hanhawster.
Ceir panel gwybodaeth ar ddechrau’r llwybr – dylech ei ddarllen cyn cychwyn ar eich taith.
- Darganfod ystyr graddau llwybrau beicio mynydd.
- I gael rhestr ein llwybrau beicio mynydd a gwybodaeth er mwyn cynllunio eich taith feicio, ewch i feicio mynydd.
- I gael rhagor o wybodaeth am feicio mynydd yng Nghymru, ewch i wefan Mountain Bike Wales.
Llwybr Beicio Bedwen
- Gradd: Ffordd goedwig a thebyg
- Pellter: 5.9 cilomedr
- Amser: 1 - 1½ awr
Mae’r llwybr cylchol byr hwn yn werth yr ymdrech ac mae’r llyn yn le prydferth i gael saib gyda golygfa wych.
Llwybr Beicio Derwen
- Gradd: Ffordd goedwig a thebyg
- Pellter: 10 cilomedr
- Amser: 1 - 2 awr
Mae’r llwybr hwn yn daith hyfryd o ben gogleddol Coedwig Beddgelert gyda dringfa araf a graddol a golygfeydd cofiadwy i gyfeiriad pen dwyreiniol Parc Cenedlaethol Eryri.
Mae’n mynd heibio i’r llyn ar y ffordd yn ôl i’r maes parcio.
Gwybodaeth hygyrchedd
Mae’r llwybr hwn yn addas ar gyfer pobl sy'n defnyddio offer addasol.
Mae offer addasol yn cynnwys beiciau addasol, cadeiriau olwyn addasol a sgwteri symudedd.
Rydym wedi cynhyrchu ffilm i'ch helpu i ganfod pa mor addas i chi y gallai fod cyn i chi ymweld.
I wylio’r ffilm ewch i’r dudalen Llwybrau ar gyfer defnyddwyr offer addasol
Llwybr aml ddefnydd
Mae llwybr aml-ddefnydd Lôn Gwyrfai, o Feddgelert i Rhyd-ddu, ym Mharc Cenedlaethol Eryri yn mynd drwy’r goedwig.
Ewch i wefan Parc Cenedlaethol Eryri am fwy gwybodaeth.
Parc Cenedlaethol Eryri
Mae Coedwig Beddgelert wedi’i leoli yng nghanol Parc Cenedlaethol Eryri.
Eryri yw’r Parc Cenedlaethol mwyaf yng Nghymru ac mae’n gartref i drefi a phentrefi hardd a’r mynydd uchaf yng Nghymru.
Awdurdod Parc Cenedlaethol Eryri sy’n gofalu amdano.
I gael mwy o wybodaeth am ymweld ag Eryri, ewch i wefan Awdurdod Parc Cenedlaethol Eryri.
Coedwig Genedlaethol Cymru
Mae Coedwig Beddgelert yn rhan o Goedwig Genedlaethol Cymru.
Bydd y Goedwig Genedlaethol yn:
- creu ardaloedd o goetir newydd
- gwella coetiroedd presennol
- adfer coetiroedd hynafol unigryw Cymru
Bydd yn ffurfio rhwydwaith ecolegol cydgysylltiedig a fydd yn rhedeg ledled Cymru, gan gynnig buddion cymdeithasol, economaidd ac amgylcheddol.
Bydd rhannau o’r rhwydwaith yn y pen draw yn ffurfio llwybr a fydd yn rhedeg ar hyd a lled Cymru, felly bydd modd i unrhyw un ei gyrraedd ble bynnag maen nhw’n byw.
I gael rhagor o wybodaeth ewch i wefan Coedwig Genedlaethol Cymru.
Ymweld yn ddiogel
Rydyn ni eich eisiau chi i ddychwelyd adref yn ddiogel ar ôl eich ymweliad yma.
Rydych yn gyfrifol am eich diogelwch eich hun yn ogystal â diogelwch unrhyw blant ac anifeiliaid sydd gyda chi yn ystod eich ymweliad.
Am gyngor ac awgrymiadau i'ch helpu i gynllunio'ch ymweliad, ewch i dudalen Ymweld â'n lleoedd yn ddiogel.
Gwybodaeth hygyrchedd
Mae Llwybr Beicio Derwen yn addas ar gyfer pobl sy'n defnyddio offer addasol.
Mae offer addasol yn cynnwys beiciau addasol, cadeiriau olwyn addasol a sgwteri symudedd.
Rydym wedi cynhyrchu ffilm i'ch helpu i ganfod pa mor addas i chi y gall fod cyn i chi ymweld.
I wylio’r ffilm ewch i’r dudalen Llwybrau ar gyfer defnyddwyr offer addasol
Newidiadau i gyfleusterau ymwelwyr
Gweler brig y dudalen we hon i gael manylion unrhyw gynlluniau i gau cyfleusterau neu unrhyw newidiadau eraill i gyfleusterau ymwelwyr yma.
Er mwyn eich diogelwch, dilynwch gyfarwyddiadau'r staff ac arwyddion bob amser gan gynnwys y rhai ar gyfer dargyfeirio neu gau llwybrau.
Mae'n bosibl y bydd angen i ni ddargyfeirio neu gau llwybrau wrth i ni wneud gwaith cynnal a chadw neu gynnal gweithrediadau eraill ac mae'n bosibl y bydd angen i ni gau cyfleusterau ymwelwyr eraill dros dro.
Mewn tywydd eithafol, mae'n bosibl y byddwn yn cau cyfleusterau ar fyr rybudd oherwydd y risg o anafiadau i ymwelwyr a staff.
Trefnu digwyddiad ar ein tir
Efallai y bydd angen caniatâd gennym ni i drefnu digwyddiad neu gynnal rhai gweithgareddau ar ein tir.
Gwiriwch a gewch chi ddefnyddio tir rydyn ni’n ei reoli.
Sut i gyrraedd yma
Mae Coedwig Beddgelert 2 filltir i'r gogledd o bentref Beddgelert.
Cod post
Y cod post yw LL55 4UU.
Sylwer: efallai na fydd y cod post hwn yn eich arwain at y maes parcio os byddwch yn defnyddio sat nav neu ap llywio.
Rydym yn awgrymu eich bod yn dilyn y cyfarwyddiadau isod neu’n defnyddio’r Google map ar y dudalen hon lle ceir pin ar safle’r maes parcio.
Cyfarwyddiadau
Dilynwch ffordd A4085 o Feddgelert i gyfeiriad Caernarfon.
Ar ôl 1 filltir, ewch heibio mynedfa Forest Holidays ac yna trowch i'r chwith nes cyrraedd llwybr.
Dilynwch y llwybr hwn am 1/2 milltir i faes parcio Coedwig Beddgelert.
What3Words
Edrychwch ar y lle hwn ar wefan What3Words.Arolwg Ordnans
Y cyfeirnod grid Arolwg Ordnans ar gyfer y maes parcio yw SH 574 503 (Explorer Map OL 17).
Cludiant cyhoeddus
Y prif orsaf reilffordd agosaf yw Porthmadog.
Er mwyn cael manylion ynghylch cludiant cyhoeddus, ewch i wefan Traveline Cymru.
Parcio
Mae’r maes parcio yn rhad ac am ddim.
Ni chaniateir parcio dros nos.
Manylion cyswllt
Nid oes staff yn y lleoliad hwn.
Cysylltwch â’n tîm cwsmeriaid gydag unrhyw ymholiadau cyffredinol yn ystod oriau swyddfa o ddydd Llun i ddydd Gwener.
Lawrlwythiadau dogfennau cysylltiedig
Taflen Coedwig Beddgelert
PDF [4.3 MB]
Mannau eraill yng Gogledd Orllewin Cymru
Diweddarwyd ddiwethaf